《盼你賞面》｜邵音音曾被仔質問點解要拍三級片 叮囑媽媽：唔好畀人呃去除衫

「武打女星」楊盼盼為香港開電視新節目《盼你賞面》擔任主持，並會於節目中親自下廚煮上海菜，為10位電影界的知心好友製作佳餚，並分享過往拍電影的點滴。而首集嘉賓則是去年憑微電影《老奶奶與無名子》，八奪海外影后殊榮的70年代性感女星邵音音。

{{hket:inline-image name="IMG_2073.jpg"}}{{/hket:inline-image}}

楊盼盼特別為邵音音炮製「黃金百頁卷」，期間邵音音笑言：「講起功夫，其實我都係拍功夫片，不過佢（指楊盼盼）喺彈床上拍，我喺床上拍，所以我哋係兩個不同類型嘅功夫明星。」

向來說話大膽的邵音音，更於節目中不時談及昔日拍攝風月電影的日子，她說：「我個仔細個嘅時候，畀啲同學阿媽話『佢阿媽拍三級片』，嗰時佢小學一年級，佢返屋企問我『同學阿媽話你拍三級片』，我嚇一跳咁話『係呀』，佢問我點解要咁做，我唯有同佢講『我畀人呃㗎』。到之後有次我出門去大陸拍劇，我個仔話『拜拜媽咪，唔好畀人呃去除衫呀』，我答佢知道啊，我哋日子就係咁樣度過。」

(點擊圖片 放大睇)

此外，邵音音與楊盼盼又大談昔日在邵氏工作的點滴，二人大讚邵氏是一個很好的訓練地方，為她們打好基礎。邵音音大讚邵氏中不乏大好人，她說：「姜大衞好好，佢喺街見到有人派飯，會走去廠問人攞飯盒，然後兩公婆戴住個口罩去派飯盒畀公公婆婆；狄龍又係好好，佢喺演藝人協會時，個個月都會聚餐，佢會買香港最好嘅齋畀大家食，好關心老人家。」

提到邵音音去年憑微電影《老奶奶與無名子》，八奪海外影后殊榮一事，邵音音自言是好運氣，對能揚威國際，為香港爭光感到自豪。

{{hket:inline-image name="118701002_203891627830555_3579080072433028126_n.jpg"}}{{/hket:inline-image}}

楊盼盼感恩母親支持追電影夢 「兩袖清風見到學生成長係無價」 【下一頁】